我一個人走去首爾睇 DAY6 1ST WORLD TOUR

DAY6 1ST WORLD TOUR 'Youth' in Seoul (15-17/06/2018)

或許簡單介紹一下呢隊韓國樂隊先－由JYP旗下公司Studio J培養一對Band，你可以話佢地係屬於JYP、但又唔係JYP完全控制嘅一隊樂隊，所以可以完全逃離要唱朴社長岀品嘅惡夢💚

---

成員有五位：主結他手＋大佬 Jae、主唱結他＋隊長晟鎮、Bass手主Rap＋門面 (我認為XD) 嘅YoungK、電音＋Keyboard副唱嘅元弼、Jazz鼓能手＋忙內度雲。我敢講佢地係全韓國Live最穩嘅Band，因為2017年佢地有一個叫EveryDay6計劃，每個月都會岀兩首新歌然後係當月嘅演唱會上發佈，所以唱Live對佢地黎講簡直係易如反掌!

而我係因為屋企條廢青介紹下入飯，本身聽開韓國舞曲、屋企忽然有人播韓文Band Sound、一開始係十分難接受，但聽聽下又幾正⋯⋯慢慢就愛上佢地嘅音樂仲入左佢地官方FC－MyDay。

雖然錯過曬2017年所有演唱會，但還好可以係2018年六月補返兩場，作為一位MyDay表示安慰 （≧∇≦）

---

​今次嘅演唱會有三場，分別係15/16/17號，因為我係較早之前已經請曬所有AL所以只可以睇16同17兩場。

感動係我竟然第一次成功係interpark買到演唱會飛⋯⋯(你要知我從來未試過成功係interpark買到一場BTS)

而本身諗住兩場都企，但因著友人勸喻，最重要後選擇左16號係企位、17號係坐。

而我今次就只係講16號事發經過俾大家聽💚

---

​今次嘅演唱會場地係올림픽공원 내 올림픽홀(OLYMPIC PARK OLYMPIC HALL)，係係奧運園區嘅一個體育館，對於我只係去過高尺巨蛋嘅大鄉里黎講⋯⋯會覺得⋯⋯個公園真係好大(;´༎ຶД༎ຶ`)

由正門行去體育館好似行左一個世紀嘅，但還好公園嘅路牌清晰如果唔係我一定會跪係路中心(;´༎ຶД༎ຶ`)

越接近場館，Day6嘅歌曲就越清晰明確，迎接我嘅係大碟Moonrise嘅 노력해볼게요 I’ll Try...

---

終於到達了(;´༎ຶД༎ຶ`) 因為企位要係開場前1.5h前到達，所以我三點幾就到左然後買Goods！

今次因爲係Day6第一次岀Tour，所以官方為大家岀左第一代手燈，係全韓國第一隻手錶形手燈⋯⋯

錶面係超級靚，但錶款手燈第一次見好陌生，但其實又好方便～幾靚幾靚～

然後再買左個袋丫匙扣丫等等，就準備等入場了！​

位置係B區第235號，韓國人同日本人都一樣係好有秩序一個一個數字排同一個跟一個入場館，唔會好似香港咁岀現打尖亂跑亂衝嘅情況💚

號碼望落去好似好遠，但距離其實好近，B區係直望YoungK同元弼，要望見門面簡直係最佳視線區。

工作人員不停用韓文同我地講請合作唔好影相唔好拍片，然後風趣咁講如果你見唔到工作人員又影相呢佢都冇辦法（≧∇≦）

其實係代表有啲位你係可以影但唔好太狼死就OK。

工作人員仲會為我地準備紙杯同水，如果唔舒服佢地會救你岀黎，服務好過亞博一萬倍!

---

開場啦，結他聲響起嘅時候我真係眼泛淚光⋯⋯係我人生第一場Day6丫！

第一組開場曲係남겨두게 I Remember, First Time同Better Better，會聽到有部分段落係重新編曲令現場氣氛剌熱啲。

然後係一組前期舊歌再一組EveryDay6嘅歌曲。係唱Dance Dance同좋은걸 뭐 어떡해 What Can I Do嘅時候真係好興奮丫(;´༎ຶД༎ຶ`)因為佢地都行去伸延花道兩邊，YoungK就正正係我面前！

唱完EveryDay6，就係發佈新Album歌曲嘅時候！一口氣唱左4首新曲，雖然未聽過但已經覺得新曲係會大發！而我最中意嘅就係好Chill嘅Feeling Good同主打Shoot Me，可以完全聽到四位歌手嘅唱功有幾紮實同穩陣，佢地一定係食CD大⋯⋯

到進入演唱會高潮，就係Congratulations, 예뻤어, I Loved You同좋아합니다 組曲加配絃樂團，一邊聽一邊慶幸自己有黎聽Live，如果唔係真係會後悔一世！

到encore位，唱完Still之後我地YoungK竟然介紹今日到場睇演出嘅貴賓有JYP(._.)

老闆都黎睇，唔怪得之今日唱得咁完美(誤)

然後幸福就忽然間來臨！係唱Sing Me嘅時候Jae企左去我地果邊嘅人群(;´༎ຶД༎ຶ`) 好近好近(;´༎ຶД༎ຶ`) 我家雞哥好近我(;´༎ຶД༎ຶ`) 心臟係準備停頓嘅一刻演唱會都完結了

我係原地好安詳辭世😂

---

完曬整個演唱會後，覺得冇可能唔再睇佢地嘅演唱會！所以希望你地快啲黎香港丫(;´༎ຶД༎ຶ`)

데！이！식！스！💚💚