識少少德文保平安 #長文慎入 16/10 Tag 1
經過數小時排MD嘅努力 我成功買曬所有野 不得不鬧大黑定價瘋狂 大家知我唔會推到個價好高咁幫大家買野 有時候連信用卡手續費都冇收大家😂 但貴2.5倍係咪太過份？ 韓國啊米係啊米 德國啊米都係啊米丫！ 一個環保袋收我€45 我當下真心嬲左 希望大家明白點解我話ARMY BOMB要收你500蚊支😭 但如果你希望一口氣買齊所有DM 去歐場買都係一個好選擇💜
排隊入場係第二個戰場 但呢個經歷放係Part 3講😂 入到有3000人嘅企坑當然會有一絲緊張 手執21xx號嘅我企係原位悶悶不樂 忽然有一把女聲係我耳邊響過: ‚Entschuldigung’ ‚唔好意思’ ‚Du bist ein Jimin Fan? ’ ‚你是雞米粉絲？’ 我一回頭就見到兩個德國姐姐想同我傾計😭😭 ‚Ja! Ja! Ich bin! ’ 我嘅下意識只係狂答係丫係丫！ 一個全身Chimmy但唔係雞米本命 用德文我係無法解釋的😂 所以做左2h雞米粉😂
係等開場嘅2h裏面 我地四個人不停講自己點愛上彈 雖然佢地嘅身高係姐姐 但其實只係三位學生 有一個仲要係High School走堂黎睇😂 叫我係ig千萬不要tag佢，唔係水洗都唔清🤦🏻♀️ · 唔知係咪我太好傾？ 定我人緣真係好到加零一？ 其中一位德國米送左一條雞米頸鏈俾我(;´༎ຶД༎ຶ`) 就係係開場前15分鐘 佢除左佢頸上嘅鏈話送俾我 當係德場嘅回憶😭 果一下我真係好想喊⋯⋯ 係德國呢個咁冷冰冰嘅世界 竟然有人如此親切😭 我就帶住呢一份感動開始我人生第一場LY
‚Kein Probleme ’ 同 ‚ein Wasser bitte!!!! ’ 係我係整個演唱會講得最多嘅詞彙 前者係 ‘唔緊要’ 後者係 ‘俾水我丫!! ’ 雖然我已經著左對11cm嘅高跟鞋去 但依然係輸身高⋯⋯ 所以當人地瘋狂撞到我同我講 ‘tut mir Leid’ (對唔住)嘅時候 我要瘋狂咁回佢一句 ‚Kein Probleme’⋯⋯ · 然後要水先係惡夢⋯⋯ 因為限制左袋嘅大小，所以好多人都冇帶水 當睇完Just Dance後就已經有虛脫嘅感覺 之後啲保安就開始派一杯杯嘅水 我可以做嘅就只係舉手然後狂叫Wasser Wasser！ 所以之後去睇企坑嘅各位 請留意你一定要帶支細細地嘅水去救命 特別係一個你對佢地語言0認識嘅地方
21XX嘅位置有幾遠？ 送你一個概念 你睇落以為個台唔係好高？ 但其實係啲人太高俾你嘅錯覺😂 老實講如果你唔著返對4-5寸嘅鞋入場 係根本乜野都睇唔到🤷🏻♀️ 就係第一場嘅手幅應援！ 但散場後已經唔見左了(;´༎ຶД༎ຶ`) · 我諗演唱會嘅内容大家有睇飯拍都知 我都唔詳細講 但因為果果腳傷 所以係開場前大會都有開咪用德文通知大家 今日嘅果係跳唔到舞 然後場就會跟住叫 ,괜찮아’🙉 德粉還是很溫暖的😭
接下來嘅 Run同 Anpanman 都係我用生命拍返黎嘅片😂 係演唱會拍片要定嘅秘訣 就係你條腰要好夠力 對手要唔怕軟 呼吸要好好調整 相信我，睇完一場要拍片嘅演唱會 你嘅腹肌會立即現形😂
係糖飯珍貴嘅片段丫！ SUG！粒A已經俾閔糖飛到幾米遠了😂 仲要一面尷尬嘅可愛😭💜
Tag 1完結後，忽然有一種突如其來嘅寂寞 前3小時仲好瘋狂咁尖叫 但一行岀會場 坐左係地下 冷風吹過⋯⋯姐需要支啤酒😂 經過左8小時冇水冇糧嘅戰役 你就會乜都唔想食，只係要狂飲野 係西德慕尼黑最岀名嘅啤酒 (係丫，德國人係心底仲有分東西德，雖然實體嘅柏林圍牆倒下，但內心果一幅依舊還在？) 慕尼黑除左皇家品牌HB外 Augustiner Bräu都係我地最有名嘅牌子💜😭 辛苦過後一啖啤酒真係好幸福😭 有防彈都好幸福😭 Tag 1我好幸福😭
待續🙈🙈
（下一Part話你知點樣手執12xx號排入小舞台前第6行）
·
BTS IN BERLIN Tag 1
#LOVE_YOURSELF_Tour
#BTSinBerlin