[跟希望走希望之路✨] #長文慎入 17/10 Tag 2 · 演唱會一連睇兩日真係會有虛脫嘅感覺 但防彈係表演果個😭佢地就更累了😭
步入演唱會第二日 我倆已經放鬆曬心情慢慢行去會場💜
又適逢鄭希望Update左佢係柏林踩點嘅tweet 我地當然要去同款Get！ 還好鄭希望踩嘅點都係會場附近 所以去得非常方便💜 Mercedes Benz Arena Berlin其實位於柏林圍牆嘅前面，過條馬路就到 好適合我地一班淨追星唔觀光嘅啊米😂
係附近一間我n年前食過嘅餐廳食過午餐後 又開始我排入會場嘅戰役！ 德國入場嘅方法的確幾奇異 我嘗試形容一下： 由900至3,000號，每100號一格打直排成21格 每格嘅左前同後右都有一個窿位俾人向前行去下一格；所以如果隊伍開始排入去，你將會以Z形狀咁經過你前面每一格。 睇唔明？好正常😂 因爲作為當局者，我都唔太明白🤷🏻♀️ 所以我反覆係格外視察，最後得岀一個結論： 打Z行嘅前行方法，係必須貼住鐵馬靠外行😎 我想解釋多啲 但發覺自己都講得幾1999 所以算啦😂
制定好作戰策略後 我就係自己所屬嘅格仔安座好 忽然又有一把女聲係身邊飄過： ‘你好⋯⋯’ 係國語！ 回頭一望係位華裔女仔 帶住口罩排隊嘅佢係來自西班牙嘅留學生 本命閔！玧！其！ 因為防彈終於係歐洲巡迴 所以買左17號德國場同19/20嘅巴黎場！ (我都想睇巴黎(;´༎ຶД༎ຶ`)) 而今場都係佢人生第一場防彈所以好緊張⋯ 係 人 生 第 一 場 ！ 令我回想自己第一次去日本追偶像嘅時候 果種興奮同緊張🙈 佢好想我陪佢入場有多個照應 因此我嘅姐姐模式開啟左😂
(人地真係幾靚女) 當入場隊伍開始移動嘅時候 我一手捉住佢手臂，然後用韓劇男主角嘅語氣同佢講：記得跟實我！ 使用Z形排隊戰法令我地由12xx成功搶攤到10xx 但呢個號碼我當然唔滿足！ 我嘅目標係頭300 可能你會覺得想頭太大 但我有呢方面嘅自信😂 · 好多人問過 究竟企左邊好定右邊好？ 咁好睇你想睇邊個同埋成員們嘅心情😂 德國兩場俾我嘅經驗係 右邊閔玧其左邊珍！ 而且一定要企正小舞台前面 因為防彈真係好鐘意企小舞台
係Tag 2嘅應援手幅💜 防彈花永遠係我嘅心盛開💜💜 P.8就正了😂 當我地企係場內一路逼上前嘅時候，有幾個德國米忽然舉高呢兩張圖😂我睇完真係笑到抽根😂估唔到德國人DNA裹面還殘存一點幽默😂
由1000號要企到頭6行的確係需要决心同策略 特別係你嘅移動時間得2h而且要拖多條女、就更具挑戰性 我嘅心訣係不停同自己講： 十分鐘後要企你前面果個人嘅前面 因為心態永遠最重要✊🏻 只要有呢個想法你個人就會自自然然向前zip😎 而且要好好利用坐係地下嘅人 你千萬不要坐下，因為一等佢地起身 你就有zip位嘅機會💁🏻♀️ 😂有人覺得呢啲一切係歪理 但我覺得萬試萬靈😎
第六排嘅風景當然係更好😎 全程都見到閔糖真人😭 我雪白嘅糖丫😭 如果你想睇多啲Tag2嘅片 歡迎to michelleruthxbts！ 有好多閔糖片💜
完左兩場演唱會 好多啊米係standing zone喊得好勁 但我還是好興奮好激動 小跳步咁行岀場地😂 妹妹拖住對腳行岀廣場🙈 再同我講佢有madein1997嘅手幅要攞 咁我地就係廣場中尋找各個站姐嘅蹤影 然後就遇上左 @jinkissletsgo_ig 嘅站姐！ 當佢係度執緊手幅嘅時候 我就同佢好大聲咁講左句“辛苦你了！” 然後站姐佢就好岀奇問 點解你講廣東話嘅！！😂 他鄉遇故知💜 大家係賣手幅嘅地方吹左10分鐘水我就走了🙈 到而家仲有少少後悔，應該留喺嗰度幫佢一陣 最少幫手翻譯下啲基本德文🙈 唔緊要！下次啦我地德國再見啦😎 · 兩日德國場嘅遊記去到呢度🙈 下一次分享嘅應該就係星加坡場了！ 希望大家會期待啦💜
我還是有個後記🙊🙊
後記會寫雞米頸鏈係咩樣😎我係意大利食咩雪糕😂梵蒂岡嘅天台點解要行上去🙈
期待一下啦😂💜
·
BTS IN BERLIN Tag 2
#LOVE_YOURSELF_Tour
#BTSinBerlin