BERLIN - BTS WORLD TOUR LOVE YOURSELF 後記

[羅馬柏林慕尼黑佛羅倫斯] #長文慎入 13/10-20/10 . 用風流快活黎形容我由羅馬到慕尼黑佛羅倫斯嘅旅程絕對冇誇張😂雖然今次歐遊主要目的係防彈但追星不忘娛樂😎 等我簡單講下今次兩大垃圾首都嘅行程💜

來一張花樣年華概念照😂 攝於慕尼黑Englischer Garten

13號係我地羅馬落機嘅日子可能離德國太遠，所以唔覺有ARMY係附近有點可惜☹️ 而H小姐要坐14號早上飛機上柏林所以我地只係好簡單係火車站附近食左個晚餐同雪糕😂(雪糕又岀現🤷🏻‍♀️) 然後就返Hostel等朴智旻直播！點知又真係俾我地等到😂 雞米丫我地終於零時差了！大家都係同一片歐洲大陸上😭好感動丫媽咪😭唔知點解睇雞米個Live嘅時候我笑得勁開心，引起對面床嘅一位波蘭女生注意😎 H小姐係14號嘅晨早就走左了🙋🏻‍♀️ 我倆就分別係義大利同德國獨立地生活左兩日😂（Miss. H 有冇興趣打篇我在柏林的日子😂）

咩雪糕咁巴閉我要日日去食？我應該要叫佢做Gelato，如果你係義大利叫佢做ice cream會惹來不少側目😂 呢間Gelato店叫Gelateria La Romana 距離火車站15分鐘路程，其實都幾遠但食到佢嘅Gelato就會覺得呢15分鐘絕對值回票價😎 令我不禁每日去食，就算要由羅馬鬥獸場行過去45min我都要食🤣因爲真心好好食！佢絕對繼拿玻里後又一個Gelato聖地！會去羅馬嘅ARMY記得要去食丫！！仲要食開心果味🤤

記得H小姐15號早上係柏林場門口排隊等號碼嗎？其實我當時係梵蒂岡聖保祿大教堂🙈 點解有古羅馬遺跡唔去要走去梵蒂岡？ (點解有柏林唔去要去梵蒂岡🌚😂) 就係因為對面床嘅波蘭女生！佢問我點解要黎羅馬玩？我話因爲羅馬機票平😂15號會上柏林睇演唱會🙈本身以為佢會大惑不解，點知佢話黎羅馬嘅原因同我有啲相似🙉 原來佢14號要去‘’已故教宗若望保祿六世封聖儀式‘’😂🙈總之就係天主教大事，教宗會岀巡，而且佢好想親眼近距離見教宗一次所以就專登飛黎🙇🏻‍♀️ 點知又真係超近咁見到，講嘅時候佢差啲激動到喊岀黎🙉 我明白果種被祝聖嘅感覺丫😭我不就是要去受閔玧其嘅聖水嗎？！然後佢就極力推薦我去梵蒂岡🇻🇦 於是我就去左😂 當H小姐向我報喜攞到細號碼嘅時候我就向佢報憂我行左10層樓仲上緊聖保祿大教堂個天台😂🖤 但還是一個很好嘅經歷😎

其實我唔係第一次黎柏林更加唔係第一次入Mercedes Benz Arena Berlin 所以對Arena附近都幾認識 Tag 2我地食嘅餐廳係我係5年前黎柏林睇TS演唱會食過，因為佢嘅薯蓉係極其好食🙉簡直係繞梁三日嘅程度，所以就走返去食😂 如果下年防彈再喺柏林開演唱會，建議大家去食呀😂間餐廳叫Hotel brunch (Warschauer Str. 39-40, 10243 Berlin) 超好食！