[根本一切都係我嘅計劃裏面] #長文慎入 13/10-16/10早上
自從知道自己根本唔會買到韓場 而且彈會去歐洲開7場後 就立定決心一定要買歐場 一開始諗住去英國，因為我未去過🙈 但又因為17號嘅假期而轉戰柏林 當然係呢一刻我地都仲未有飛係手
說時遲那時快就到左六月一號公售嘅日子 當日我地係大阪嘅網吧嚴陣以待 唔知係因為日本空氣特別好定網速問題 我地用5分鐘就完成左16/17號嘅票 從未有咁成功咁買到防彈😂 因此隨即去大阪是但一間神社還神
我有冇衝動去韓場？當然有 係韓國黃牛網徘徊左兩個月 每次都好想買，但又要控制自己 每日都催眠自己仲有三個月就返家鄉睇彈、要留錢x2046 然後就眼睜睜望住韓場過去 (還是有一絲後悔(;´༎ຶД༎ຶ`))
喺臨飛德國之前，岀現左一場惡夢 Mercedes Benz Arena Berlin 忽然發入場次序通告： 德場係唔容許瞓街排隊，唯一可以攞入場次序手帶嘅方法，係係演出前一日(15號)嘅晏晝於會場內嘅櫃檯內發放🙉 同時代表如果我遲過15號晏晝去，我嘅號碼將會後到不堪設想，但我買左15夜晚羅馬去柏林嘅機票🙉 收到呢個消息之後，我同H小姐思良左半小時 最後决定H小姐14號上午飛上去先，我原機15號晚到柏林 中間係有好多風險，特別係我有機會攞到好後嘅號碼 但因為我同羅馬有情意結而且我覺得入到場其實已經贏左😂所以遲到都OK嘅⋯⋯
轉個頭已經係14號嘅晚上十點鐘 如果呢個時間你有上Twitter而且有睇#BTSinBerlin，就會知道個地球有幾不公平／ H小姐由晚上八點開始好忐忑好想去排隊，但鐵馬前一直有警衛同差佬睇住，仲會趕人走，只敢遠遠地望住(而我當然係羅馬食緊雪糕風流快活😂) 到左零晨時份，竟然有一隊人首先去排入鐵馬，令係隊伍外嘅人嘩然🙉 原來呢一班人係早係兩日前已經喺會場外嘅一條大街瞓街 而呢班人嘅頭目竟然同會場嘅警衛傾好咗 可以比佢哋首先排隊🙉 乜唔係唔俾人瞓街咩？！ 果班人仲要係Twitter講自己做得幾正確幾正義🤷🏻♀️ WTF？！ 所以H小姐憤然衝入隊伍，最後入到鐵馬 展開十多個小時柏林瞓街旅程 · 柏林地勢經緯都比羅馬高，而且仲要係深夜 相信H小姐凍到抽根🙈 (但我仲係南歐食緊雪糕😂)
到左15號早上十點左右終於開始派號碼 辛苦左一晚嘅H小姐最後得到16號嘅230同17號嘅199 呢個號碼絕對係令人羨慕🙉 另邊廂嘅我仲喺梵蒂岡度行樓梯上大教堂頂😂
終於到左16號嘅早上六點
我一支箭飛去攞號碼，最後得到16號嘅21xx同17號嘅12xx，號碼的確幾後 但我係羅馬風流快活左咁耐都差不多啦😂 攞完號碼就立即去排MD
排MD嘅情況同排號碼一樣 班瞓街黨又係鐵馬對面瞓街等買MD 令現場岀現左兩條隊 最後係非瞓街隊行先而我都排啱隊💜
但排入鐵馬嘅時候，班瞓街黨竟然公然插隊💜 還好我嘅面皮同席夢思一樣咁厚 一手捉住兩個朋友向前衝 最後成功係鐵馬入面😂
幸運地可以幫大家買晒要買嘅嘢💜😭 還好還好!
然後就係BTS Studio💜 因為一早就抽到預約 所以就非常順利咁樣同糖影咗張相 快快手手就準備排隊入場⋯⋯ 待續... （下一Part話你知點樣手執12xx號排入小舞台前第3行） · BTS IN BERLIN Tag 1 #LOVE_YOURSELF_Tour #BTSinBerlin