－京都編排意識流 － 2 －
- Michelle Ruth
- Feb 13, 2017
- 2 min read
京都倒數 －10日
南意倒數 －102日
名古屋倒數 －228日
回想對上一次去台灣，因為友人簽證有問題變左一個人去，其實都驚驚地又要一個人瞓兩人房🙈 間Hostel又大，行返去嘅路又黑又靜🙈還好誤打誤撞識左一個獨遊台灣嘅香港人，叫做有個伴互相扶持下，然後係到果日先諗做咩好食咩。咁岩得咁橋有一對識得嘅情侶去台北玩，相約左一餐超級好味嘅燒肉晚餐，係無行程下都算幾順利。
又可能因為一個人去旅行，所以覺得去邊都冇所謂(Cry)。但點都唔可以咩都唔諗就飛嫁🙉🙉 所以係強逼自己情況下做左少少行程編排：
必去：
清水寺－還好趕得切係春天裝修前去多一次，個觀景台可以講係全個清水寺嘅精髓，當然唔少得裏面嘅姻緣石，仲有八板神社、祇園、四條城同花 見小路
千本鳥居－上一次去已經係夜晚，咩都冇得睇淨行山🙉 所以今次一定要補返啲相同細心行下個神社
京都Loft－為左要儲齊一套「色彩雫」（笑）
源光庵－源光庵嘅恰静係絕非其他大寺院所有，加上庵內有各個大小不一形狀不同嘅窗戶，雖然今次行程冇櫻花冇紅葉，但翠綠嘅園林都會有濃厚嘅意境
諗下去唔去：
有馬溫泉－係丫，又係佢。其實真係好想浸溫泉♨️ 如果第二晚時間許可，我應該真係會去。
宇治 － 其實同千本鳥居好近，兩三個站就到而且地方唔太大，可以半日行曬應該係個好地方
黑門市場 － 其實第三日係大阪，但我大阪嘅終極目標係心齋橋🙈 所以呢個考慮下去唔去先
咁所以基本嘅行程就岀左黎了✌🏻✌🏻
Day1 ：
關西機場 ➡️ 京都站－食早餐（家母話京都站正門，伊世丹地下斜對面，一間係角落頭嘅嘅便當小店有好好食嘅早餐🙈🙈）➡️ 千本鳥居 ➡️ 宇治－Lunch ➡️ 源光庵－Dinner ➡️京都Loft
Day2：
京都站－食早餐 ➡️ 清水寺（半日）（八板神社、祇園、四條城同花見小路）➡️ 有馬溫泉（Maybe）➡️ 京都拉麵小館（博多一幸社）（伊世丹旁有升降機上）（十點收皮）
Day3：
京都－大阪 ➡️ 心齋橋 ➡️ 1600 namie amuro LIVE STYLE 2016-2017 ➡️ 大阪Dinner ➡️ 大阪－京都
Day4：
京都站－食早餐 ➡️ 京都站二三樓食Waffles ➡️ 京都站對面地下街 ➡️ 京都Loft ➡️ 關西機場 ➡️ 返地獄
打完都覺得自己完成左，希望今次京都事變可以散到個心（≧∇≦）咁究竟我跟唔跟得到個行程行曬呢？定死係Hostel唔岀街？咁就要等睇我十日後開始嘅毒撚遊記🙈🙈
BTW，如果你一開始有留意，其實我100日後就會去南意了(･_･; 行程比呢度更煩更長更驚驚(･_･; 如果有興趣可以留意之後嘅南意行程編排記🙈🙈
Comments