－一個完全不負責任嘅Blog終於誕生－
- Michelle Ruth
- Feb 8, 2017
- 1 min read
終極利申：是咁的，Blog主可以算係一個冇專長、冇教學、冇主題、甚至連字都唔識打多隻嘅香港女仔。假如閣下想要完善嘅旅遊計劃安排專業評論甚至係西洋書法教學，最好將滑鼠滑到右上角嘅交叉然後點擊，免得浪費閣下寶貴嘅人生和時間✌🏻
呢度究竟係發生緊啲咩事？可以講係滿足Blogger (我 )一己私慾，我將會係呢一度同大家分享我 —— 編排旅行行程、五時花六時變嘅經過；毒撚遊記；介紹下我聽緊睇緊嘅音樂／電影／歌劇／舞台劇／芭蕾舞劇；記錄為好姊妹籌備婚禮嘅過程；仲有我最鍾意嘅Calligraphy自學，內容完全唔專業唔仔細，有時甚至可能有啲情緒化😂。所以希望大家唔好介意，同時為咗增加呢度高觀看性，可能會有好唔專業嘅相片分享，希望大家會中意。完！
接下來第一篇文章，應該係關於我編排京都旅行嘅過程，敬請期待！！
Commentaires